Mange stader kan du sjå falda gneis. På grunn av den høge temperaturen er bergartane mjuke, omtrent som deig eller kitt, og bergartane vil bli bøygde og krølla.

Kulegabbro er kanskje Verdas skjeldnaste bergart. Steinhoggar Rolf Karlsen på besøk i den vesle førekomsten ved Bukkanuten.

Nokre gonger viser minerala seg frå si beste side – som krystallar. Vi kan finna dei på sprekker og holrom i fjellet – der dei har vakse fritt.

Koronitt er ein anortositt med såkalla korona-struktur, ein særeigen bergart for delar av Hordaland (særleg Bergensområdet) og Indre Sogn.

Ein spesiell bergart som vert danna under forvandling er serpentinitt. I Steinparken finn du mange flotte eksemplar – med ulike grønfargar og mønster.

Rullesteinslag frå ei gamal Folgefonnstrand, danna for 1500 millionar år sidan. No ligg restane av stranda i 1300m høgd ved Jonsstein i Jondal.

Konglomerat er forsteina grus, og inneheld ofte steinar med ulik form og farge, slik ein kan finna dei på strender i dag. Den raude steinen er jaspis.

Forkastingar er rørslesoner i jordskorpa. Valenforkastinga går i skiljet mellom grunnfjell med granitt og gneis i aust og glimmerskifer i vest.